Azərbaycanda hüquqi xidmət sahəsində yeniliklər gətirən "Legalaid" şirkəti media işçiləri tərəfindən mükafatlandırılıb

Sözü gedən hüquq şirkətinin rəhbəri və təsisçisi mütəxəssis Sona Səlimli-Ələsgərovadır. O Bakı Dövlət Universitetin hüquq fakultəsinin məzunudur, ADA Universitetin dövlət qulluğunun təşkili və idarəedilməsi fakultəsinin magistraturasını bitirib.

İki il əvvəl şirkəti yaradarkən, Sona xanım nəinki güclü rəqabətə tab gətirmək, məqsədlərdən biri ən müasir tələblərlə ayağlaşan və internet texnologiyaları əhatə edən keyfiyyətli hüquqi yardımın təşkili idi. "Legalaid" şirkəti, eləcə də yaradıcısı Sona xanımın özü gənc olsalar da, qarşıda qoyulan vəzifələri uğurla yerinə yetirməkdədirlər.

Belə ki, firmanın kollektivi çalışdığı sahədə yüksək peşəkarlığı ilə tanınılır, müştəri bazasını günü-gündən artırır. Bunların içində vətəndaşlar, korporativ müştərilər var. İri xarici qurumlar, səfirliklər də xidmətlərdən daimə yararlanırlar.
Məlum oldu ki, hazırda Sona xanım çin dilini oyrənir ki, çin müştərilərlə bir başa əməkdaşlıq aparılsın.

Hüququn bütün sahələri üzrə məsləhət, vəkillik fəaliyyətini aparmaqla yanaşı, mübahisələrin alternativ həlli istiqamətində iş aparılır.

2020-ci ilin iyulun 1-dən qüvvəyə minmiş "Mediasiya haqqında" qanun çərçivəsində tərəflər ailə və məişət məsələlərində məhkəməyə müraciət etdikdə, mediasiya mərhələsini keçməlidirlər. İki tərəf mediatorun köməyindən sonra razılığa gəlib barışıq sazişi imzalasalar, bu artıq hüquq sənəd sayılır və məhkəməyə ehtiyac qalmır. Sona xanımın iştirakı ilə artıq bir neçə mübahisələrin tərəfləri "sülhə" gəliblər.


"Legalaid'' MMC ölkədə ilk olaraq texnoloji hüquq istiqamətində də fəal çalışır. Şirkət internet üzərində baş vermiş hüquq pozuntularını araşdırıb, aradan qaldırır və hüquqi rəy verir, məsələn, istənilən internet məhsulun müəllifliyin, şəxsi məlumatların məxfiliyinin qorunması və s., online müqavilələrin tərtibinə hüquqi dəstək verir.

Şirkətin innovativ məhsulu olan "Legalaid" mobil tətbiqi Azərbaycan Respublikası Vəkillər Kollegiyası ilə birgə əmakdaşlıq əsasında yaradılmışdır. Tətbiqin əsas məqsədi vətəndaşlara zamandan və yerdən asılı olmayaraq, daha sürətli və əlçatan hüquqi yardımın göstərilməsinin təmin olunmasıdır. "Legalaid" mobil tətbiqini hər bir vətandaş öz mobil telefonlarına yükləyib, Azərbaycan Respublikası Vəkillər Kollegiyasının üzvü olan peşəkar Vəkillərə ünvanlayıb öz hüquqi suallarına tam dolğun cavab ala bilərlər.

Sona Səlimli-Ələsgərovanın Facebook-da yaratdığı və bu gün 15 mindən çox üzvü birləşdirən "YurSovetnik” qrupu artıq altıncı ildir ki, vətəndaşlara təmənnasız olaraq məsləhətlər verir. Bu müddət ərzində hüquqşünaslar qrup üzvlərinin 300 mindən çox sualını cavablandırıblar, mütəmadi olaraq seminarlar, görüşlər, qonaqlarla canlı yayımlar və bir çox maraqlı tədbirlər təşkil edirlər.

Yaxın günlərdə şirkət nümunəvi və fəal işinə görə Azərbaycan Kütləvi İnformasiya Vasitələri İşçilərinin Həmkarlar İttifaqı tərəfindən "Azərbaycan Bayrağı" fəxri media mükafatı ilə təltif olunmuşdur. Bu münasibətlə də redaksiyamız işgüzar kollektivi və şəxsən Sona xanımı təbrik edir, nailiyyətlərin böyüməsini arzu edir.