Yüksək əyyarlı "Qızıl Mədəni"

2020-ci ilin fevral ayında Bakı Biznes Mərkəzində "Azərbaycanda zərgərlik bazarının inkişaf perspektivləri: problemlər və imkanlar" mövzusunda sahibkarlarla görüş keçirilib. Görüşdə İqtisadiyyat Nazirliyi, Dövlət Gömrük Komitəsi, Dövlət Vergi Xidməti, "AzerGold" QSC, Kiçik və Orta Biznesin İnkişafı Agentliyi, qiymətli metallar üzrə ixtisaslaşmış strukturlarının nümayəndələri və sahibkarlar iştirak ediblər.
Tədbirdə çıxış edən İqtisadiyyat naziri Mikayıl Cabbarov Azərbaycanda qeyri-neft sektorunun davamlı və sürətli inkişafının dövlət başçısı tərəfindən qarşıya qoyulan əsas vəzifələrdən olduğunu vurğulayaraq, dağ-mədən sənayesinin inkişafının ölkə iqtisadiyyatının şaxələndirilməsinin mühüm istiqamətlərindən olduğunu qeyd edib, bu sahədə dəyər zəncirinin yaradılması perspektivlərini diqqətə çatdırıb. İqtisadiyyat naziri zərgərlik sənayesində islahatların aparılmasının və əlverişli coğrafi mövqeyə, müasir nəqliyyat-logistika infrastrukturuna malik Azərbaycanın bu sahədə regional mərkəzə çevrilməsinin əsas hədəflərdən biri olduğunu bildirib. Ölkəmizdə əlvan metallar, o cümlədən qızıl hasilatı sahəsində böyük potensialı diqqətə çatdıran İqtisadiyyat naziri beynəlxalq təcrübədən geniş istifadənin, stimullaşdırıcı tədbirlərin, şəffaf tənzimləmə siyasətinin həyata keçirilməsinin zərgərlik sənayesinin inkişafında əhəmiyyətli olacağını vurğulamışdlr.

Tədbir çərçivəsində milli zərgərlik məmulatlarının ixrac imkanları, zərgərlik ənənələrinin qorunub saxlanılması və sözü gedən sənayesinin gələcək inkişaf istiqamətlərinə dair müzakirələr aparılıb, zərgərlik bazarında fəaliyyət göstərən kiçik və orta sahibkarların əhəmiyyətli rolunundan danışmışdırlar.


Mövzuya uyğun olaraq, həmin sahibkarlardan biri - Əli Vəlizadənin adını çəkmək istəyirik. Onun təsis etdiyi "Qızıl Mədəni" müəssisəsi gənc olsada, artıq tanınmağa başlayıb. "Qızıl Mədəninin" təmiz xammaldan hazırladığı məmulatlar incə və zərif detalları ilə zövq oxşayırlar.
Zərgərlik sənəti təkcə qızıl və gümüş məmulatı istehsalını deyil, habelə qiymətli daşların, başqa sözlə, ləl-cəvahiratın işlənmə texnikasını da əhatə edir.
Başda Əli Vəlizadə olmaqla yanaşı müəssisənin zərgərləri qiymətli daşların texnoloji, bədii-dekorativ xususiyyətləri haqqında biliklərə və bacarığa malikdirlər.

Müəssisənin instagram səhifəsi: gold_mine.jewelry.


Cari ilin sentyabrın 29-da Əli Vəlizadə milli zərgərlik sənətinin inkişaf etdirilməsi, mükəmməl əl işləri ilə Azərbaycan zərgərlik məktəbini beynəlxalq səviyyədə təmsil etdiyinə görə Azərbaycan kütləvi informasiya vasitələri işçilərin həmkarlar ittifaqı tərəfindən "Azərbaycan bayrağı" fəxri media diplomu ilə təltif edilmişdir.

Bu münasibətlə redaksiyamız "Qızıl Mədəni"-ni təbrik edir, uğurlu fəaliyyət arzulayır.