Общество азербайджанских инвалидов просит помощи у Мехрибан Алиевой

Azərbaycan Respublikasının Birinci vitse-prezidenti, Heydər Əliyev Fondunun Prezidenti, YUNESKO və İSESKO-nun xoşməramlı səfiri, millət vəkili çox hörmətli Mehriban Xanım Əliyevaya

Azərbaycan Əlillər Cəmiyyəti (AƏC)Yasamal rayon Əlillər Təşkilatının Idarə heyətinin üzvləri tərəfindən

M Ü R AC İƏT
Birinci vitse-prezident, Çox Hörmətli Mehriban xanım!
Möhtərəm Prezidentimiz cənab İlham Əliyev tədbirlərin birində belə demişdir:- “Biz bir amal ətrafında birləşmişik ki, ölkəmizi daha da inkişaf etdirək, insanlar daha da yaxşı yaşasınlar, Azərbaycanın gücü artsın, dünyadakı mövqeləri möhkəmlənsin, sosial məsələlər həll olunsun, iqtisadiyyat inkişaf etsin və biz müstəqil ölkə kimi əbədi yaşayaq”. Bu sözlər bütün ölkə vətəndaşları kimi, əlilliyi olan vətəndaşların da daim hərtərəfli qayğı ilə əhatə olunaraq layiqli həyat səviyyəsinə malik olmalarının təmin edilməsini bir vəzifə kimi müəyyən edir. Cənab Prezident onu da bildirmişdi ki, Xalqımızın ümummilli lideri Heydər Əliyev Azərbaycanda əlil olmuş insanlara, Qarabağ müharibəsində öz sağlamlığını itirmiş insanlara daim böyük diqqət və qayğı göstərirdi. Bu missiyanın davamçısı olaraq Cənab Prezident və Siz, Sizin ailə üzvləriniz Azərbaycanda əhalinin, o cümlədən əlilliyi olan insanların sosial müdafiəsinin gücləndirilməsi sahəsində böyük işlər görürsünüz.
Hörmətli Mehriban xanım, Siz milli ictimai fikirdə özünəməxsus yeri olan, Azərbaycan xalqının tarixi-mənəvi varlığını qoruyub yaşadan əvəzolunmaz ictimai xadim, təəssübkeş vətəndaş, kübar insan, yüksək intellektə, zəngin dünyagörüşünə malik ziyalı, fəlsəfi-əxlaqi və mənəvi meyarlara orijinal və dərin yanaşma tərzi ilə seçilən bir şəxsiyyətsiniz. Sizin gördüyünüz işlər hər bir azərbaycanlıya nümunədir.

Biz Azərbaycan Əlillər Cəmiyyəti Yasamal rayon Əlillər Təşkilatının üzvləri bildirmək istəyirik ki, təşkilatımız 1989-cu ilin aprel ayından fəaliyyət göstərir. 22 noyabr 1995-ci ildə Azərbaycan Respublikasının Ədliyyə Nazirliyinin Qeydiyyat və Notariat baş idarəsində 773 nömrə ilə qeydiyyata alınmışdır. Bu günə kimi minlərlə əlilliyi olan insana sosial qayğı göstərmiş, təhsil, səhiyyə, reablitasiya və s. sahələrində xidmətlər göstərmişdir. Əlilliyi olan uşaqlarımız Sizin dəstəyinizlə bir neçə dəfə Heydər Əliyev Fondunun “Buta Palace”da “Yeni il” bayramı münasibəti ilə keçirtdiyi şənliklərində iştirak etmişdir. 2001-ci və 2009-cu illərdə təşkilatın İdarə heyətinin sədri dəyişmiş, məlumatsızlıqdan yeni sədrin və İdarə heyətinin yeni tərkibi haqqında Azərbaycan Respublikasının Ədliyyə Nazirliyinin Qeydiyyat və Notariat baş idarəsinə məlumat verilməmişdir. 2009-cu ildə İdarə heyyətinin yeni tərkibi və İdarə heyəti seçilmiş 2010-cu ildə bu barədə Azərbaycan Respublikasının Ədliyyə Nazirliyinin Qeydiyyat və Notariat baş idarəsinə məlumat verilsə də süründürməçiliklə üzlıəşdiyimizdən köhnə qayda ilə fəaliyyətimizi davam etdirmişik. Ancaq bu cür işləmək Qeyri-hökumət təşkilatları (ictimai birliklər və fondlar) haqqında Azərbaycan Respublikasinin Qanununa zidd olduğundan biz 2016-cı ilin avqust ayından 2017-ci ilin iyun ayına kimi 8 dəfə Azərbaycan Respublikasının Ədliyyə Nazirliyinin Qeydiyyat və Notariat baş idarəsinə müraciət etmişik. Lakin müxtəlif bəhanələrlə təşkilatımızın yenidən qeydiyyata alınmasına əngəllər yaradıldığından yeganə ümid yeri Sizi bilərək müraciət etməyə məcbur olmuşuq.

Sizə əlil və kimsəsizləri himayə etdiyiniz, xüsusi qayğıya ehtiyacı olan şəxslərə, uşaqlara dayaq olduğunuz, bu insanların sosial vəziyyətinin yaxşılaşması üçün əlinizdən gələni etdiyiniz üçün təşkilatımızın üzvləri adından öz dərin təşəkkürümüzü bildiririk.

Sizin 29 illik fəaliyyəti olan AƏC Yasamal rayon Əlillər Təşkilatının Azərbaycan Respublikasının Ədliyyə Nazirliyinin Qeydiyyat və Notariat baş idarəsində yenidən qeydiyyata alınması üçün köməklik edəcəyinizə inanırıq. Əminik ki, öz nəcib qəlbinizlə hər zaman olduğu kimi əlilliyi olan şəxsləri sevindirəcəksiniz, sizin köməyinizlə haqq öz yerini tutacaq və fəaliyyətimiz əlilliyi olan şəxslərin, xüsusi qayğıya ehtiyacı olan uşaq və gənclərin həyat səviyyəsinin yaxşılaşmasında xüsusi yer tutacaqdır.
Təşkilatımızda qeydiyyatda olan əlillərin adından sizə sonsuz hörmət və məhəbbətimizi bildiririk. Allah sizi qorusun!
Hörmət və ehtiramla;

1. Musayeva Təranə Şövkət qızı
2. Əliyeva Nəzakət Paşa qızı
3. Lütfəliyev Elçin Yaşar oğlu
4. Məmmədov Rafiq Ənvər oğlu
5. Abbasova Tahirə Əli qızı
6. Hacıyev Məhyəddin Abdulla oğlu
7. Bağırova Bəyanə Səməd qızı