Ə.D. Məlikov adına 6 nömrəli Birləşmiş Şəhər Xəstəxanası uğurlarını artırır

"Bütün peşələr insanlardandır və yalnız üçü Allahdandır: müəllim, hakim və həkim."
Bu kəlmələri minilliklər öncə dahi qədim yunan filosofu Sokrat demişdir. Əsrlərdən sonra da həmin pəşə sahibləri insanların həyatlarına ən çox təsirə malikdirlər.
Bir neçə həftə öncə jurnalist həmkarım səhhətindəki problemlə bağlı  Ə.D.Məlikov adına Binəqədi Tibb Mərkəzi Publik Hüqqi Şəxsin xəstəxanasına yerləşdirildi. Ona baş çəkəndə, həmkarımı xeyli yaxşılaşmış, gümrah, xoş əhval-ruhda ğördüm. O, müalicəsindən, xəstəxanadaki şəraitdən və mətbəxindən də çox razı idi. Özüm də təmizliyin, səliqənin, nizam-intizamın burada hökm sürdüyünü müşahidə etdim, üstəlik mühavizədən tutmuş bütün personalın xəstə və qonaqlara qarşı məlahətli dəvranışları diqqət çəkdi.
İş yoldaşımın müalicısini terapiya şöbəsinin müdiri, ali kateqoriyalı həkim Sevil Eyvazova və həkim-terapevt Leyla Həsənova aparmışdlrlar. Bu ağ xalatlı insanlara göstərdiyi peşəkarlığa, isti münasibətə, fədakar və nəcib əməyə görə redaksiyanın adından minnətdarlığımı bildirirəm.
Fürsətdən istifadə edib zəhmətkeş işçi heyyətinə başçılıq edən şəxsdən direktor Əsədulla Sultanovdan kiçik müsahibə aldım.

-Əsədulla müəllim, sizi oxucularımıza daha yaxın tanıtdırmaq üçün ilk sualım həyat yolunuz barədə olacaq.

-Əmək fəaliyyətimi gənc yaşlarımdan başlamışam. Konserv zavodunda fəhlə,Təəcili yardım xəstəxanasında sanitar, tibb qardaşı işləmişəm. 1980-ci ildə Azərbaycan Tibb İnstitutun ı müalicə-profilaktika fakultəsini bitirmişəm. Sonra 6 saylı şəhər poliklinikasında cərrah kimi fəaliyyət göstərmişəm. 1985-ci ildə müsabiqə yolu ilə Ümumittifaq Elmi Cərrahiyyə Mərkəzinə qəbul olunuraq, orada ordinatura və aspiranturanı bitirib, elmlər namizədi dərəcəsini almışam. 1989-ci ildən tibb universitetinin III cərrahi xəstəliklər kafedrasında  çalışıram. əvvəl baş laborant, kafedranın asisent i, hazırda III cərrahi xəstəliklər kafedrasında dosent vəzifəsində çalışıram. 1995-2017-ci illərdə I müalicə-profilaktika fakultəsinin dekanı müavini vəzifəsində çalışmışam. Ötən ilin aprel ayında TƏBİB-in sədri çox hörmətli Ramin Bayramlının əmri ilə “Ə.D. Məlikov adına Binəqədi Tibb Mərkəzi” Publik Hüquqi Şəxsin  baş direktor vəzifəsinə təyin edilmişəm.
40-illik həkimlik təcrübəm var. Ailəliyəm, iki oğlum var, böyük oğlum hüquqşünas, kiçik oğlum iqdisatçıdır.

-Siz alimlik dərəcəsini almış istedadlı cərrahsız. İri müəsissəyə rəhbər təyin olunması cərrah kimi fəaliyyət göstərməyinizə mane olmur ki?

-Hazırda mən əməliyatlar aparmıram. Bizim xəstəxanamız iri tibb müəsissələrdən biridir, 518 nəfər işçi çalışır, 94 həkim, 200-ə yaxın tibb bacısı və digər işçilər var. Bu cür müəsissənin işini aparmaq və təşkil etmək gecəli-gündüzlü gərgin zəhmət, enerji, çoxlu vaxt tələb edir. Ona görə bütün gücümü və bacarığımı təşkilatı işlərə yönəldmişəm. Bizim həkim və cərrahlarımız dərin biliklərə, böyük istedada malik mütəxəsisslərdir, onlar öz peşə vəzifələrini layıgincə yerinə yetirirlər.

-Amma müəllimlik fəaliyyətinizi davam etdirirsiniz...

-Bəli, davam edirəm. Birgə çalışdığım insanlar arasında keçmiş tələbələrim də var. Dərslərdə tələbələrimə həmişə deyirəm ki, öyrənmək heç vaxt gec deyil. Bu gün özüm onlardan bəzi şeyləri öyrənirəm.

-Vaxt aşırı mətbuatda və sosial şəbəkələrdə tibb ocağları haqqında müxtəlif neqativ fikirlər, yəni rüşvətin mövcudluğu, zəif xidmət göstərilməsi və pullu olması, xəstələrin zərurət yaranmadığı təqdirdə əməliyyat edilməsi və s. səsləndirilir. Bu hallar mümkündürmü?

-Bildiyiniz kimi, TƏBİB-in fəaliyyətinin əsas məqsədləri tabeliyində olan tibb müəssisələrində tibbi xidmətlərin keyfiyyətinin müasir tələblərə uyğunlaşdırılması, tibbi xidmətlərin keyfiyyətinin yüksəldilməsi üçün tədbirlər görmək, əhalinin sağlamlığının qorunması sahəsində əhali üçün əlverişli şərtlər yaratmaq, tibb müəssisələrinin fəaliyyətini icbari tibbi sığorta sisteminin tələblərinə uyğunlaşdırmaqdan ibarətdir. Bu istiqamətlərdə böyük işlər aparılıb, və bu gündə davam etdirilir. Hörmətli Ramin müəllimin üzərində işlədiyi konsepsiya qarşıya qoyulan bütün məqsəd və vəzifələri uğurla yerinə yetirilməsinə imkan verəcək.
Təyinatımla bağlı hörmətli Ramin müəllim məni qəbul edən zaman, məndən soruşdu: "Şəffaflığı necə təmin edəcəksiz ?". Mənim cavabım belə oldu: "Birinci, özüm nümünə olacağam, ikincisi, bütün subyektiv və texniki vasitələrin köməyi ilə nəzarət edəcəyəm, üçüncüsü, çalışacam ki heç kimi isti ocağdan kənarlaşdırmadan, düz yola çəkim".
Ramin müəllimə verdiyim sözlərə sadiq qalaraq mübarizə aparıram və hamını mübarizəyə dəvət edirəm. Rüşvətxorluq hər yerdə var. Mən utopist deyiləm, amma bilirəm ki, qalib gələcəyik. Möhtərəm Prezident cənab İlham Əliyevin dahi siyasəti nəticəsində mümkün olmayan şeylər həyata keçirildi.
44 günə ordumuz düşmənin müdafiəsini darmadağın etdi, illər ərzində tikilən istehkamları dağıtdı və zəfər çaldıq. Rüşvətxorluqla mücadilədə də Müzəffər Ali Baş komandanımızın rəhbərliyi ilə əsgər kimi döyüşüb zəfər çakacağıq.

-İndiki zamanda, jurnalistlər adətən şikayətlər eşidirlər. Sevindirici haldı ki, işinizi tərifləyənlər də az deyil. Məsələn, 3-dəfəli dadlı və bol yeməkləri. Çarpayılardaki yataq dəstləri, otağların təmiri də, gördüyüm kimi, yaxşıdır. Deyəsən, xəstələr day evdən yemək, balış, odeyal gətizdirmirlər.

-Bəli, düzdür. Xəstələrimizin bütün ehtiyacları və dəva-dərmanları dövlət tərəfindən yüksək səviyyədə təmin edilir. Müalicə hamı üçün pulsuzdur. Nailiyyətlərimizin bir çoxunu İcbari tibbi sığorta sisteminin tətbiqi ilə bağlayırıq.
İcbari tibbi sığorta sisteminin tətbiqini vətəndaşın rifahına əsaslanan sosial siyasətin ən önəmli qolu hesab edirəm. Bu insan kapitalına qoyulan investisiyadır. Prezident İlham Əliyev cənabları öz çıxışlarında dəfələrlə qeyd etdiyi kimi, neftə investisiya yatırımı insan kapitalı ilə əvəzlənir. İcbari tibbi sığorta da bu investisiya qoyuluşunun bariz nümunəsidir,
səhiyyənin maliyyəşməsinə və həyat şəraitinin yaxşılaşdırılmasına sərf olunan xərclərin daha sistemli, ehtiyac üzrə daha səmərəli və sosial təbəqələri ədalətli şəkildə əhatə etməklə təmin edilməsinə xidmət göstərir. Yəni İcbari Tibbi Sığorta üzrə daxil olan ödənişlər, həm dövlət, həm də işləyən vətəndaşlar, işəgötürən sahibkarlar və fərdi sahibkarlar tərəfindən həmrəylik prinsipi əsasında vahid büdcə formalaşdıraraq bütün ölkənin tibb xidmətləri üzrə ehtiyacını ödəməyə imkan verir.

-Ölkədə böyük sayda işsizlər və imkansız insanlar var. Onların müalicəsi tibbi sığorta sistemində nə cür yer alıb?

-Bütün əhali İcbari Tibbi Sığorta ilə əhatə edilib. Dövlət büdcənin və işləyən vətəndaşların hesabına hər bir insanı pulsuz müalicə etməyə, onun qida və təcizatını təmin etməyə, işçi heyyətinin əmək haqqlarını ödəməyə, onlara bonus hesablamağa imkan verir. Təcrübə göstərir ki, bununla belə səffaf həkim-xəstə anlaşmasının formalaşmasına, əhali və tibb işçiləri arasında məmnunluq hissin yaranmasına kömək edir.
Xəstəxanaya daxil olarkan, siz, yaginki, İcbari Tibbi Sığorta şöbəsini gördünüz. Biz gündə 800-900 xəstəni qəbul edirik və hər kəsə yüksək səviyədə xidmət göstərmək üçün əlimizdən gələni əsirgəmirik.

-Əsədulla müəllim, günümüzün mövzusu olan vaksinasiyadan soruşmaq istəyirəm. İşçilərin peyvənd olunması necə keçir?

-Əməkdaşlarımız hamı peyvənd olunub. Nümunə olaraq, ilk peyvəndi özümə vurdurdum.

-İşçilərdən biri peyvənddən imtina etsə idi, onu işindən çıxarardınız?

-Xeyir. Ümumiyyətlə bu səhv anlayışdır. Peyvəndləmə respublika üzrə könüllük əsasında aparılır.

-Bəs sıravi vətəndaşlar burda peyvənd ala bilərlər?

-Bizim müəsissəmizin nəzdində vaksinasiya mərkəzi fəaliyyət göstərir və biz qeyd olunan tədbiri uğurla həyata keçiririk.

-Müsahibəmizi hansı sözlərlə bitirmək istiyərdiniz?

-Mətbuat, media işçiləri, jurnalistlər cəmiyyətin əhəmiyyətli hissəsidir. Ulu öndər jurnalistləri dost adlandırırdı. İlham Əliyev cənabları da jurnalistləri dost və köməkçi olduğlarını söyləyib. Dahi liderlərin sözlərini qəlbimizdə şüar edərək, mətbuat işçilərinə təşəkkürümü bildirirəm, zəhmətlərini yüksək dəyərləndirirəm. Hər zaman onların suallarını cavablandırmağa hazıram.

-Çox sağolun.


Müsahibəni apardı Gülçin Quliyeva